චූ…විහිලු..

ලංකාවේ සමාජය , විශේෂයෙන් දේශපාලනය (ලංකාවේ දේශපාලනය යනු තවත් බිස්නස් එකක් “රන්” කිරීම පමනක්ම බව මතක තබා ගන්න.)දැන් දැන් විහිලුවක් බවට පත්ව තිබේ. ඔවුන් අපට විහිලු කරන්නේය. අප ඔවුනට පෙරලා ඒ සදහා හොද ගෙවීමක් කරන්නෙමු. 2 ශ්‍රී මයිනර්  කාරයෙන් බැරිනං ගොන් කරත්තයෙන් හෝ ගොස් අපි ඔවුන්ටත් දරු පරම්පරාවටත් හරි ගෑනිගේ සිට හොර ගෑනී දක්වාත් මොන්ටෙරෝ ලබාදී ඇත්තෙමු. තහඩු දෙක තුනක් බැරිනං පොල් අත්තෙන් හෝ හිසට සෙවන සාදාගෙන ඔවුන්ට තට්ටු තුන හතරක බැරිනං සුපිරි තට්ටු නිවාසයක් හෝඅ ලබාගැනීමටැ වැඩ සලසා දෙන්නෙනෙමු.

අපට පොල් බෑයක් ගන්නට පෝලිමේ ඉදින්නට සිදුවුනත් ඔවුනට පරම්පරා හත අටකට ඇතිවෙන්නට “කා ගන්නට” අපි ඉඩ ලබාදෙන්නෙමු. ඒ අපේ හැටිය. අපි ඒ තරං හොද ජාතියක් වන්නෙමු. කාටවත් කරදරයක් නැතත් අපට මහා කරදර, “විහිලු සපයන්නන්ට” අපි කිසිදා එරෙහි නොවෙමු.

එහෙම විහිලු ටිකක් දුරදිග ගියත් බෙල්ල ගාවට හිර උනත්, ඒ වෙනුවෙන් කතා කරන එවුන් අල්ලා වැළිකඩ බැරිනං ඇෆ්ඝනිස්ථානයට දැම්මත් අපි “හ්ම්” නොකියමු. හිමීහිට ගොස් ඉරිදෙකේ කතිරයෙන් මේ විහිලුකාරයන්ව තවත් උස්සා තබමු.

එහෙම විහිලු කාරයෝ කිහිපදෙනෙක් මේ දවස්වල වේදිකාවේ සිටිති. අපි පහල කට ඇරෙගෙන බලා සිටිමු.

 

උසස් අධ්‍යාපන විහිලුව.. (හුප්..)

මේ ලගම දවසක උසස් අධ්‍යාපන ඇමතිතුමාඅපූරු කථාවක් කලේය. ඒ තම අයිතිවාසිකම් වෙනුවෙන් උද්ඝෝෂණයේ යෙදෙන සරසවි සිසුන් ( අනවසරයෙන් නේවාසිකාගාර-“වල” ඉන්නා කෙල්ලෝ කොල්ලෝ ) එලවපු හැටි තලු මර මර කීමෙනී. (තලු මරන එකත් වමාරා කන එකත් සතෙකුගේ ක්‍රියාවක් බව පොඩිකාලේ අසා තිබේ.)

කතාව කිව්වේ අහන් හිටි හාමුදුරුවන්ගේ විනෝදය පිණිස වන්නට බැරිය. එහෙම කුණුහරුප අසා සිටින්නට අපේ හාමුදුරුවන් කැමැති නැත.(අහන් හිටියත් නැගිට විනෝදය (හික්… විරෝධය.) පල කරනවා නිසැකය. ඒ නිසා එතුමා “හාමුදුරුවනේ “ කියා කිව්වේ මැදමුලන වලව්වේ කවුරුහරි ලගපාත හිටියාට වෙන්නට ඇත.

හෙලුවැලි කතාවක්ද කියා තිබේ. (කොහොමත් එයා  ජීවිතේ වැඩි දවසක් ඇදුං ඇදන් හිටියේ නැත.) කියන කියන වෙලාවට ගලවන්නටත් ඇදගන්නටත් හපන් එතුමාට කැම්පස් කොල්ලන්ගේ ඇදුම් ගැලවිල්ලෙන් ලැබූ ප්‍රීතිය කොල්ලන් කරගත් මහා පිනකි. ඇත්තටම මේ වාගේ කට්ටිය අධ්‍යාපනය පාලනය කරන්නට ආ විට අපේ අම්මලා තාත්තලා සරසවි එවිය යූත්තේ ළමයි නොව පොල්ගහේ බැද සිටි එවුන්වය.

මේතුමා විසින් පාරම්බාන්නේ (උඩුබුරලන්නේ) කුමක්ද?  චින්තනයේ අතුරු කොටස්ද ? මෙසේ කලිසං ජංගි ගලවා මහපාරේ එලවන්නේ කවුරුන්ද. උසස් අධ්‍යාපනයක් දෙමිය, ඔවුන්ගේ ප්‍රාර්ථනා මල්ඵල ගන්වා මුලු ලෝකයේම උසස්ම අධ්‍යාපනය කකුල් දෙක ලගට ගෙනත් දෙමි යැයි කී චින්තනයට සමගාමීවද?

 

සංස්කෘතික හා කලා විහිලුව..

ලංකාවේ එක ඇමැතිවරයෙක් ඇදුං ගලවන විට තවත් කෙනෙක් ඇදුං අන්දවන්නට ට්‍රයි කරති. කලා ඇමැතිතුමා ඒ අතින් ඉතා කලාකාමීය, කකුලක් හරි කිහිල්ලක් හරි පෙන්නන්ඩ බැරිය. ලගදීම දිනයක් පොලිස් දඩපොතේ “අනවසර ඇදුං දඩය” කියා පිටුවක් එන්නට බැරි නැත. එතකොට පොලිස් රාලහාමි කෙනෙක් දුටු ලයිසන් නැති බයිසිකල් කාරයෙකු මෙන් , ගවුම දෙපරැන්ද අස්සේ ගහගෙන කොණ්ඩේ කරලට ගොතාගෙන, අරාබියෙ මෙන් මූනටත් මොකක් හරි කර වහගෙන යන්ඩ සිද්ද වෙනවා සිකුරුය.

එක්කෝ කෙල්ලන්ට ගෑනුන්ට එලි-යට බහින එක (එලිබහින එකටත් දවසක නීතියක් ගේනවා සිකුරුය.)නතර කල යුතුය. ඕනෙම නං ඇෆ්ගනිස්ථානයෙන් මුල්ලා කෙනෙකු “උපදේසකවරයෙක්”  වසයෙන් පත්කර ගත හැක.

ලෝක උරුම විහිලු..

දැන් එලිපහලියේ චූ කරන එක තහනම්ය. විශේෂයෙන් ලෝක උරුමයන් ඇති ස්ථානවල එලියට ගැනීම සපුරා තහනම්ය. ඒකට ගෙදරින් එනවිට එලි පහලි බැස එන ලෙස දන්වා තිබේ. ලෝක උරුමයන් රැක්කාට අපට අපේ උරුමයන් නැත. මේ රටේ හැටි එහෙමය. දවසක චූ කරන එක පමනක් නොව කරන තැනත් තහනං කලොත් පුදුම නොවන්න. ඒක අපේ උරුම කරුමයය.

 

පොලිස් විහිලු..

පහුගිය දාක නිරුවත් දර්ශන වලට පෙනී හිටි තිස් හතලිස් දෙනෙකුගේ ඡායාරූප මාධ්‍යට නිකුත් කල පොලීසිය මේවර එකී වීඩියෝපටය රටට පෙන්වන්නට තීරනය කර තිබේ. එය ගමේ රටේ කොල්ලන්ගේ ප්‍රීතියට හේතුවකි. මන්ද උන්ට හදිසියකට “එලියට ගෙන” මුත්‍රා කරන්නටවත් නොදෙන රටේ එහෙම පබ්ලික් ෂෝ එකක් තිබීම පොලීසියට පින් සිදුවෙන නිසාය. කෙසේ වෙතත් තීරණය වී ඇත්තේ පොලීසියට විත් මේ දර්ශන නැරඹීමය. අන්තිමේ ගමේ රටේ කොල්ලෝ කුරුට්ටෝ විතරක් නොව හැරමිටි කාරයෝද සුලු සුලු දඩ ලබෙන දවසක් දෙකක් රිමාන්ඩ් හිටිය හැකි වැරද්දක් කර “ලකප්” වෙති.

කන්ඩත් දී නිදාගන්ඩත් දී නීත්‍යානුකූල ලෙස අහවල් ඒවාටත් උත්තේජනයක් දෙන එකට පොලීසියට ස්තූතිකල යුතුය. හැබැයි අහින්සක කොස්තාපල් මහත්තුරු ටික පරෙස්සං කරගත්තොත් හොදය. නැත්නං අපට හදිසියකට හොරෙක් ගෙට පැන්නත් (තුන්මාසෙකට පසුව හරි.) ඇන්ට්‍රියක් දාගන්න කෙනෙක් නැතිවෙනවාය.

 

පොල් සංවර්ධන විහිලු..

ඇමැතිතුමාට අනුව පොල් මිල ඉහල යාමට හේතුව ජේ.වී.පී කාරයන්ය. පැත්තක් අල්ලගෙන මාධ්‍ය නිවේදනයක් නිකුත් කරගෙන ෂේප් සුවයෙන් ඉන්නා ජේ.වී.පියට මෙහෙම හරි තල්ලුවක් දෙන එක එක අතකින් හොද උනත්, මේ වාගේ වැඩ වලින් ඇමැතිතුමාගේ අවශේස අවයව කෙසේ වෙතත් මස්තිස්කය වැඩ නොකරන බව හෙලිවේ. එහෙම කාගේ හරි එකවුන්ට් එකකට බැර කර පොල් ප්‍රශ්නේ උනත් විසදෙනවානම් හොදය. ඒත් මණ්ඩලේ පොල් ලොරිය ලග තිත්ත කුණුහරුපෙන් ඇමැතිතුමා මතක් කිරීමෙන් ඒකවත් කෙරී නැති බව පෙනී යයි.

එතුමාම කියන පරිදි පොල් ගෙඩියක් හැදෙන්නට මාස 42 විතර යන බවත් එහෙම එලියට එන්නත් කලලයක් විදියට අවුරුද්දක් විතර යන බවත් කියා තිබුනත් මොලේ වැඩෙන්න නං ඇමැතිවරයෙක් වීමටත් වඩා කල් යන බව එතුමා ක්‍රියාවෙන්ම ඔප්පු කර දී තිබේ.

 

අධ්‍යාපන විහිලු,

ඒ අව් අස්සේ අධ්‍යාපන ඇමැතිතුමාද පණීභාරත අමරදේව වැනි එතුමා මෙන් කටින් විතරක්ම නැතත් මොලෙන්ද වැඩ ගත් අය ගැන මොනවාදෝ කුණුහරුපයක් කියා තිබේ. ඒ අයගෙන් ගණං පාස්ද කියා අහන්නේ නැති බව කියන එතුමා ගණං බැරි අයට ඉදිරියට එන්නට ගණං ආනිවාර්ය කල යුතු නැති බව කියා තිබේ. කලක් වෙලද ඇමැතිව හිටි මෙතුමාට ගණං තියා ඉලක්කංවත් බැරි බව ඔප්පු කර තිබුනත්, නව වෙළද ඇමැතිතුමා ලැජ්ජාවෙන් බේරා ගනු පිණිස කිව්වා වෙන්නට බැරි නැත. අනෙක එතුමාට ගණං තියා නමය වසරවත් පාස් කර ගන්නට බැරිඋනු එකේ එක්කෝ ගණං විතරක් නොව මුන්ගේ විජ්ජා දැනගැනීම වැලැක්වීම පිණිස විද්‍යාවත් “ගනං” නොගත යුතුය.

 

මේ වාගේ රටේ විහිලු නැතහොත් පෘතුගීසියේත් නැති විහිලු ඕනෑ තරං ඇත, එහෙත් නැත්තේ මේවා ගැන කතාකරන්නට පුලුවන් නැගී සිට පෙන්වා දෙන්නට පුලුවන් හරි හමන් සමාජ වටපිටාවකි. නැතිනම් අවසානය විහිලුවල නොව විහිලු කරන්නන්ගේ බව මතක් කර දෙන්නට හරි හමන් සමාජයක් නැතිකමය.

 

By 47

 

Advertisements
This entry was posted in Uncategorized. Bookmark the permalink.

2 Responses to චූ…විහිලු..

  1. Charmi says:

    අප්පා… මේවා බලාගෙන යද්දි විහිලුත් එපාවේගෙන යයි. මේවාට අමතරව මේ ආණ්ඩුවට ජා.නි.පෙ. නමින් වෙනම විහිලු දෙපාර්තමේන්තුවක්ද ඇත. එහි සේවය කල ජෝකර් කෙනෙකු පොඩි විහිලුවක් ඇත්තටම කිරීම නිසා මෑතකදී ඔහුගේ සේවය අත්හිටුවා කදිම විහිලුවක් සිදුකර ඇත.

    Like

  2. Anonymous says:

    Okkoma hari,

    Habai choo kathawanam tikak hondai, habai ekatath awashya pahasukam athi kala yuthui.

    Oba thuma ahuwe nathuwa athi anek katha.
    1. Lankawata otuwo saha pasbaroo genweema saha otu kiri bonnata deema, bonne nathi un deshadrohin lesa nam kirima

    2. Pol hingayata JVP ekata katha kirimata kisidu aithiyak nathi bawa pol amathi prakasha kirima, eeta hetu widiyata prakasha kale, 71, 88-89 kale JVP eka pol gas kapa marga haras kara police saha hamuda jeep nawatweema

    3. Viduli gastu wadi weema gana katha karana aya pitipasse mafia ekak tibima saha eya deshadrohi kriyawak weema

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s