අලි -! කියන තරං ලොකුද ? (දෙන්නේ කාටද 3 )

සජිත් ප්‍රේමදාස නායකත්වයට තල්ලු කරවන “මාධ්‍ය” ක්‍රමවේදයක් ඇතත් ඒ වෙනුවෙන් ප්‍රේමදාසට ඉදිරි දැක්මක් තිබෙන බවක් පෙනෙන්නට නැත. මෙවන් අනගි අවස්ථාවක් වෙනත් පාර්ශවයක් විසින් විශේෂයෙන්ම ප්‍රධානපෙලේ මාධ්‍ය ජාලයක් විසින් පිරිනමනු ලැබීමත් ඒ හා කරට කර යා හැකි දේශපාලකයෙකු වීමෙ පරිනත බවක් ප්‍රේමදාස පියාට තිබුනද පුත්‍රයාට පිහිටා නැත.

ඒ අර්ථයෙන්ම ගතහොත් දයාසිරි ජයසේකර තමන්ට නොලැබෙන මාධ්‍ය උපකාර වෙනුවෙන්, තම දේශපාලනයේ පරම හතුරා වන (ජනතාවටත් විශේෂයෙන් තම පාක්ෂිකයන්ටත්) ඒත්තු යන පරිදිවත් ඇසුරු නොකල යුතු )(සාමාන්‍ය ලාංකික දේශපාලනය.) මර්වින් සිල්වා ඇමැතිවරයා ඉදිරියේ දනින් නැමුනේය. නායකත්වය පිළිබද අනාගත බලාපොරොත්තු ඇති ඒ සදහා කැපවීමක්ද කරන දේශපාලකයෙකු විසින් ගත් නුවුමනා වැදගත් නැති දෙමුහුන් ක්‍රියාවලියකි. ඒ ක්‍රියාවලියේ දෙවන කොටස “නිදහසේ විලාපය” ට මැරයන් පහරදුන් අවස්ථාවේ තමන්ට එලව එලවා පහරදුන්නේ ඇමැතිවරයාගේ මැරයන් බව කීමට සිදුවීමෙන්ම ජයසේකර මන්ත්‍රීවරයා ඔප්පුකොට තිබේ.

රටටම හිරු – කරු වූ එහෙත් දැන් ඉතා වැදගත් දේශපාලන අවස්ථාවල නොවැදගත් චරිතයක් බවට පත්ව ඇති කරු ජයසූරිය පක්ෂ මාරු කිරීමේ කපටි තරගයේ පරාජිතයෙකි. එජාපයේ නායකත්වය සදහා “පෙනුමට” සුදුසු කරූ ප්‍රායෝගික දේශපාලනයේ නොහැකියාව හොදින්ම ප්‍රදර්ශනය කර ඇතත් දේශපාලන පක්ෂයක් ඉදිරියට ඇදගෙන යාමේ හැකියාවක් ඇත්තෙකු බව කලක් (දැන් නැතත්.) මහජන මතය වී තිබිනි.

දේශපාලන වශයෙන් කොතනැකවත් ස්ථාවරයක් ගොඩනගාගෙන නැති (ලැබෙන හොදම අවස්ථා හොදින්ම ප්‍රයෝජන‍යට නොගෙන හැම තැනකටම ඔලුව ඔබා ගැනීමේ පිලිවෙතක් අනුහමනය කරන.) රවී කරුණානායක  රනිල් වික්‍රමසිංහගේ පිහිටෙන් නායකත්වයට එන අදහසක තබා ක්‍රියාකලද ශූර දේශපාලකයෙකුද වන වික්‍රමසින්හ විසින් එවන් අවස්ථාවක් උදාකර දේදැයි සැකයක් පවතීම සාමාන්‍යයය.

එජාපයේ වෙනත් දේශපාලන චරිත හා මෙකී චරිතත් ඔවුන්ගේ දේශපාලනයත් දැන් “තමන්ගේ පාඩුවේ තියෙන දෙයක් කරගෙන ලැබෙන දෙයක් අරගෙන” ජීවත් වීමේ මාර්ගයට වැටී තිබේ. ප්‍රාදේශීය දේශපාලනය එහෙම් පිටින්ම ප්‍රධාන දේශපාලක හා දේශපාලන තලයෙන් ඈත්ව තිබේ. ඔවුනට ප්‍රධාන ප්‍රවාහය හා එකතු වීමේ අනගි අවස්ථාව වූ “ප්‍රතිසංස්කරණ” යෝජනා පවා පෙනෙන තෙක් මානයක නොවීමේත්, පක්ෂයේ ඉහල තලයේ ගැටලු පවා තවමත් ළිහා ගැනීමට නොහැකිවීමෙන්මත් මෙවර පලාත් පාලන මැතිවරණයේ චන්දය ලබාගැනිමට පොදු චන්දදායකනට ගෙනියනු ලබන “පණිවිඩය” කුමක්දැයි අපේක්ෂකයනටද ගැටලුවක් බව නොඅනුමානය.

අනෙක බරපතල ලෙස මැර දේශපාලනය පතුරවා ඇති ආණ්ඩුවක් සමග ප්‍රසිද්ධියේ සබදතා පවත්වන නායක පෙලක් විසින් මේ අවස්ථාවේ ඇවැසි මැරකමට මුහුණදීමේ නායකත්ව නොහැකියාව ප්‍රදර්ශනය කර ඇති බැවින් ප්‍රාදේශීය දේශපාලකයනට දේශපාලන හයියක් ඇත්දැයි තවත් ගැටලුවකි.

එවන් පසුබිමක චන්දදායකයන් තම තමන්ගේ ප්‍රාදේශීය වැඩකටයුතු සදහා බලය පවරාදීමේ කටයුත්තේදී එජාප අපේක්ෂකයන් පිළිබද දෙවරක් සිතනු ඇතැයි මගේ හැගීමයි.

By 47

Advertisements
This entry was posted in Uncategorized. Bookmark the permalink.

One Response to අලි -! කියන තරං ලොකුද ? (දෙන්නේ කාටද 3 )

  1. Pingback: ගන්ඩ එන අය ගැන…(දෙන්නේ කාටද ? 2) | මට හිතෙන හැටි..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s